Telangana-a Congress tena hnehna an channa chu martar te tana hlanin leh Telangana a democracy tihnun thar leh intiam bawkin Telangana, Telangana Pradesh Congress Committee (TPCC) president, A. Revanth Reddy chuan Congress te chuan oposition te an zah dawn tiin sawi bawk.
Mipui tena an duh dan an lanchiantir hnua Congress te hneh taka maia thlan tlin an nih hnuah press conference kovin Congress te tlin chhan chu KCR sorkar duhlohna vang a ti a. “Mipui ten KCR paih an duh a ni,” tiin zawhna a chhang.
Reddy chuan Chief Minister chenna ni mek Pragati Bhavan pawh Praja Bhavan tia a hming thlak tur a ni ang tiin tun hma ang lo takin mipuite tan hawn a ni ang, a ti a. Secretariat te pawh mipui leh media te tan hawn a ni anga khuahkhirhna siam a ni lovang a ti bawk.
Congress chief chuan Srikanthachary, December 3, 2009 a mahni inhal hlum an hriatreng thu sawi bawkin December 3, 2023 ah chiah Telangana mipui ten an duh Telangana hmuh duhin an duh dan an lantir chiah a ni, a ti bawk a.
Municipal Minister K.T. Rama Rao-an an chak loh a pawm thu leh Congress party a lawmpui thu a sawi chungchangah Congress te chuan opposotion an nihna angin BRS te pawh an beisei sang a ni a ti bawk a. Congress te chuan democracy-ah rinna kan nghat a, sorkar kalpuinaah opposition te tan hmun a awm tur a ni, a ti.
Reddy chuan chakna an channa kawngah Rahul Gandhi a pawimawh thu leh lawmthu a hrilh bawk a. Campaign neihna kawngah Rahul Gandhi leh Priyanka Gandhi rally in danglamna a siam nasa em em a. Bharat Jodo Yatra ni 21 chhunga 4,000 kms Telangana a kal hmangin mi tin ten Gandhi family ten Telangana society nen inzawmna an neihna lantirin a awm bawk a ni a ti bawk.
Telangana-ah Congress ten chakna chang
