Congress high command chuan Telangana Congress-a Legislature Party leader turah thutlukna an la siam lo.
TPCC president A. Revanth Reddy chu mi tin rilrua awmsa leh natural choice tura ngaih a ni chungin party high command te chuan Congress Legislature Party (CLP) chuan engmah thu chiang an la sawi duh lo va. AICC president Mallikarjun Kharge an thutlukna a siam a ngai a ni.
AICC observer leh Karnataka Deputy Chief Minister D.K. Shivakumar chuan Chief Minister nih tum midang te pawh an be vek tho a. MLA tin te mimal ngaihdan pawh party high command chuan a la vek bawk.
A tirah chuan inthlan result chhuah tlaiah thutlukna siam mai tur anga sawi a ni a. Mahse, thutlukna an siam mai ta lo va. Inkawmhona nei turin Shivakumar leh observer dangte chu party high command-in New Delhi-ah an ko zui a. Tunah chuan AICC headquarter thutlukna liau liau tur a ni ta a ni.
Congress senior functionary chuan Congress party chhunga tihdan kalphung a ni ti thungin AICC observer ten high command-ah report pe in, chumi hnuah thil hrang hrang ngaihtuah a nih zui hnuah Chief Minister tur thlangin a tul chuan Deputy Chief Minister tur pawh an ruat thin a ti thung.
Karnataka-ah pawh khan AICC president thutlukna siam tura dah niin senior functionary te nena sawikhawmna neih hnuah thutlukna siam thin a ni a ti bawk.
Telangana-ah hian PCC president Revant Reddy chu CM ni thei ber tura ngaih a ni a, mahse ani lo pawh Bhatti Vikramarka leh PCC chief hlui N. Uttam Kumar Reddy te pawh an awm ang tih a ni bawk. Bhatta chuan Adilabad atanga Khammam thlenga padayatra a neih chu an party chakna chhan tiin a sawi bawk a.
Uttam Kumar Reddy chuan a zawnin term 7 a chelh tawha parliament member pawh a ni tawh a inti ve thung bawk.
Revanth Reddy erawh MLA ngah ber anga ngaih niin BRS hneh a nih theih nana sulsutu ber a ni bawk.
Telangana CM turah thutlukna la siam lo
![](https://theaizawlpost.org/wp-content/uploads/tap_logo-min-large.jpg)