Daily Newspaper

Tenet-in $20M a lalut nghal

10

Thla ruk dawn an inkhar hnuah US-ah chuan cinema hall an inhawng leh tan ta a, tun weekend kalta khan Christopher Nolan film siam ‘Tenet’ chuan dollar maktaduai 20 a la lut nghal a, mahse, a sum lakluh hi a bei tham hle a ni. A film siam nan hian dollar maktaduai 200 vel an seng pha tlat.

Coronavirus hripui len hma boruak te kha chu ni se dollar maktaduai 20 chauh lakluh hi Christopher Nolan te meuh film siam tan chuan manganna tham tur a ni. Mahse, tunah hian cinema hall-te an inhawng leh tan chauh a ni a, US-ah chuan cinema hall 65% vel chauh la inhawng ang an ni.

US-ah sum lalut tam vak lo mah se Tenet hian China-ah ringawt pawh dollar maktaduai 30 a lalut thei a, tihian ramdang nena a sum lakluh tawh zawng zawng chu dollar maktaduai 146.2 a tling tawh.

Tunlai boruaka sum sen tama film an tlangzarh ngam hian mak tih pawh a hlawh viau a, mahse, Tenet hian dollar maktaduai 500 vel tal chu a lak luh theih an beisei. Tenet hi John David Washington, Robert Pattinson, Elizabeth Debicki, Dimple Kapadia, Michael Caine leh Kenneth Branagh te channa a ni a, July thla laihawla tlangzarh an tum kha niin, hripui leng avangin cinema hall zawng zawng khar a nih tak avangin an sawn hla ta a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy