VC leh Local Council inthlan atan candidate-te an campaign tluk tluk a, court rorelna ngaihchan a ngai bawk. Mipui pawhin court rorelna hi an nghak mek.
Gauhati High Court, Aizawl Bench-in VC term pawh tawi chungchang hi a ngaihtuah a, court-in a tih tur thil dangte a ti zo tawh; thutlukna a la puang lo thung.
High Court hian eng tikah nge thutlukna a puan ang tih thu-ah hun bituk a awm lo a, mahse inthlan a hnaih tawh avangin puang thuai tura ngaih chu a ni.
Rin dan pakhatah chuan a ngaihtuahtu judge hi Ningani leh Zirtawpni chian Aizawl Bench-ah a awm ang a, hna thilah hmun danga a kal dawn avangin, Ningani-ah emaw Zirtawpni-ah emaw thutlukna hi puan hman turah ngaih a ni.
Mizoram sorkarin VC term hi February ni 19-a tawp turin a pawt tawi a, hei hi East Lungdar VC president K Lalngaizuala’n a khing a ni.
January ni 24 khan sorkarin insawifiahna a thehlut a, a khingtu lamin January ni 29-ah sawi duh an neihte ziakin an thehlut ve leh. A tukah hearing an nei.
Court hian sorkarin ziaka thu a dahte thehlut turin sorkar lam hi a ti a, hei hi a aia chiang zawkin February ni 3-a en turin court hian thu a dah a ni. Chung chu zawh fel a ni tawh a, a khingtu leh a khinate’n thutlukna an nghak ta a ni.
Term pawh tawi chungchanga thutlukna la hriat loh
