Daily Newspaper

Tha thawh ve naah MADA lawm

8

Covid-19 leng mek donaa Mizoram tana Ayush doctor-ten kawng hrang hranga tha an thawh ve thei chu lawmawm an tih thu an sawi.

Mizoram AYUSH Doctors’ Association (MADA) chuan, khawvel hmun dang ruala Mizoramin Covid-19 vanga harsatna a tawh lai leh hriselna lam hnathawktute tan pawh hri kai hlauhthawnawm tak a nih lai a, mipui tana inhlan leh sawrkar thupek awiha mawhphurhna an hlenchhuak thei thin chu an member-te chungah a lawmin an chhuang takzet tih a sawi.

Mizoram sawrkar pawhin AYUSH doctor-te thawh thatzia leh tangkaina a hmuh hmaih lo, tiin, ‘Covid-19 dona atana CCC leh DCHC-a duty tur AYUSH doctor 65 a lak belh mek hi Mizoram sawrkar chungah lawmthu kan sawi a ni,’ a ti.

Mizoramah AYUSH doctor-te a tir atangin a hmatawnga awmte zinga an tel thu te, tunthlengin Covid-19 facility hrang hrangah Covid-19 hmachhawntu doctor duty tam ber chu AYUSH doctor an la nih thu te, tunah hian Mizorama Covid-19 facility hrang hrangah AYUSH doctor za chuang an awm bakah state leh district-a Covid kaihhnawih medical team hrang hrangah an member-te an tel thu te an sawi a. An member 40 chuang, koh theih tura in-volunteer an awm thu an sawi bawk.

Covid-19 dona atana Health & Family Welfare Department Directorate of AYUSH in Covid-19 prophylaxis damdawi – Arsenicum album 30 leh immunity booster – Chyavanprash, Ministry of AYUSH duan angin mi 50000 chuang hnenah an sem tawh tih MADA hian a sawi a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy