Daily Newspaper

Thalai an harhchhuak mek – Lalduhoma

31

Mizoram politics siamthaa, kalphung tha leh hnathawk thei sawrkar siam duhin thalaite an harhchhuak mek tih ZPM MLA Lalduhoma chuan a sawi.

Inrinnia Sumsuihah ZPM VC thar lawmna buatsaih a hmanpuinaah ZPM Legislature Party leader Lalduhoma chuan Mizoram politics-ah insiamthatna (reformation) a thleng mek tih sawiin, “Zoram thalaite tunah chuan an harhchhuak tan a, kan hun tawng mek avang hian Mizoram politics siamthat duh an pung zel a, kalphung tha, a ngaihna hria leh hnathawk thei sawrkar siam duhna leh tumna tunhnai mai atang hian a nasa hle,” a ti.

MLA atanga bantir tumna chungchangah mi tam takin lungawilohna lantir a, buaina a chhuah hlau an awm niin Lalduhoma hian a sawi a. “Hei hi kalphung thar zia a ni loa, politics-a Pathian ram thlentir tum kan nih avangin Pathian hnenah tawngtai rualin hun kan hmang ta zawk a ni,” a ti. ZPM Thalai leh ZPM Hqrs. OB ten an inah tawngtai rual neiin, Pathian kutah an hlan tih a sawi.

“Tun thleng hian min tawngtai pui a, Mizoram politics kalphung siamthat a tul tawh zia sawi a, siamthat tum thalai rual an pung zel. Thil thalo nia kan ngaih, rilru natna min thlentute hi Mizoram politics siamthatna hmanrua a lo ni daih thei,” a ti.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy