Site icon The Aizawl Post

Thalai tam zawk sipaia tan tir rel

MJA Serchhip District leh 42 Assam Rifles chuan Mizo thalai a tam thei ang ber India sipaia tantir tuma hma lak ho an rel.
Thawhlehni khan MJA Serchhip District member-te hi Serchhipa awmhmun nei 42 Assam Rifles hotute nen an inkawm a. Mizo thalai sipai tang duhte tan hun tha siamsak a, Aizawla sipai lak runpui neih turah Serchhip thalai, sipaia tang duhte tan MJA Serchhip nen tangdunin online-a dilna thehlut duhte tan Serchhip Press Club-ah hun buatsaih nise, an ti.
Assam Rifles hotute hian sipai tang duhte hi dilna thehluh sak bakah an taksa fit tura hrual leh a tam zawkin an paltlang theih loh personal interview hmachhawn dan thlenga zirtir nise an ti.
Inkawmhonaah hian Assam Rifles atanga scheme tha tak tak awm te chu mipuiin an hmelhriat theihna’n chanchinbumite nen thawhhona tha neih a tul thu te sawi a ni a. Assam Rifles hotute chuan an hnathawhnaah kalphung tha zawk a awm theihna’n thurawn pe thin turin MJA an sawm a ni.

Exit mobile version