NIELIT Aizawl leh MZP Gen. Hqrs. tangdun chuan thalaite tana hna zawnna runpui – Job Fair an buatsaih a, Nilaini khan Aijal Club Park-ah Information & Communication Technology secretary Lalramsanga Sailo chuan a hawng.
ICT secretary chuan thalaite chu Employment Exchange-in sawrkar hnaruak a phochhuah thin hmang tangkai tura chahin, degree certificate piahlamah soft skill a pawimawh a, mi biangbiak thiam leh mahni inphochhuah thiam, tawng thiam a pawimawh tih a sawi. Job Fair chu hna zawng mekten an hman tangkai a duhsak tih a sawi a ni.
Job Fair ah hian Mizoram chhung leh pawn ami firm 15-in stall an hawng a, information technology, software firm, telecom, automobile, consultation firm leh construction lam an ni a. Hna inkawhhmuh leh hnaruak awmte inhrilh a ni.
Thalai tan Job Fair siam
