Congress hruaituten loan guarantor-a sawrkar a tan theih loh thu an sawi tih ZPM Thalai chuan sawiin, dawta hmanga thalaite tibeidawng lo turin an chah tih an sawi.
ZPM Thalai Hqrs. thuchhuak chuan tunhnaiah Congress hruaitute chuan loan guarantor-a sawrkar a tan theih loh thu hi an sawi nia sawiin, cooperative banks/ societies, government companies, other statutory corporations, other institutions-in loan cheng nuai 7372.92 an puknaah sawrkar chu guarantor-ah a tang mek a, an loan puk pung belhkhawm chu nuai 5174.10 a ni tih a sawi.
ZPM a sawrkar a nih chuan thalaite tan theihtawp a chhuah dawn a, thalaiten hma an sawn a, changkanna leh hmasawnna kawng dika ke an pen chu ZPM duhdan a ni, tiin, ‘Congress hruaitulute hian Mizoram thalaite tan beiseina thar leh policy tha zawk an chhawpchhuak thei lo a nih pawhin, dawt hmanga thalaite tihbeidawn hi ching tawh lo turin kan ngen a ni,’ ZPM Thalai chuan a ti.
Thalai tibeidawng lo turin chah
