Sawrkarin a kalpui mek Tele-MANAS, 24×7 Mental Health helpline chu mipuiin zau zawka an hman tangkai theih turin, National Implementation Committee chuan “Swasth Tan Swasth Man” campaign thla tin thupui (theme) neia a buatsaih thin chu tun thla (July) atan tleirawl leh thalai (adolescents & youth) talk show hmangin Mizoram College of Nursing (MCON) Falkawnah zirlaiten rilru hrisel an neihna kawnga inzirtirna atan hman a ni.
He hunah hian Mental Health state nodal officer Dr Robert L Khawlhring, MJA Gen. Hqrs president C Lalrambuatsaiha, MCON asst. professor R Lalruatkimi, DMHP Aizawl community nurse Zothansangi Sailo, TeleMANAS counsellor Sarah Lalhriatrengi te nena hun hman a ni. Sawrkar hmalakna hrang hrang bakah tunlai thalaite leh tleirawlte rilru lama harsatna tawh leh rilru hrisel an neih theihna’na hmalakna sawiho a ni. Tele MANAS helpline-in tleirawl leh thalaite rilru hirselna leh a kaihhnawih hrang hrang alo buaipui thin thu leh tam takin an hman tangkai tawh thu sawi a ni.
Nursing zirlaiten an hman tangkai theih tur zawhna hrang hrang zawtin, mipuiin Tele MANAS helpline hman tangkaina kawngah inbengvar tawn a, a biakpawh theihna number 14416 chu engtiklai pawha call theih thu sawi a ni.
Thalaiten rilru hrisel an neih pawimawhna sawi
