The Beatles reunion

Beatles member la dam pahnih drummer Ringo Starr leh Paul McCartney te chuan reunion performance an nei dawn ta. Ringo hian a kum 80 tlin champha lawm nan Paul Mccartney hi renuion turin a sawm a, Sheryl Crow an pawt lut dawn bawk.
Pathianni lo awm turah Starr pianchampha hi an lawm dawn a, mahse, tunlai hri leng avangin he reunion pawh hi online reunion a ngai tlat mai. Ringo Starr Big Birthday Show hi July ni 7-ah a YouTube channel-ah an tichhuak dawn a ni.
Beverly Hills-a a chenna-a kar 11 chhung in quarantine tawh Ringo chuan, “Pianchampha lawm hi nuam ka ti. Kumin chu a danglam deuh hlek dawn. Tih khawm deuh luih luih a awm dawn lo. Mahse, show kan buatsaih dawn e,” a ti.
He reunion show a\anga an sum hmuh te chu charity atan an pechhuak vek dawn a, chung zingah chuan Black Lives Matter Global Network, MusiCares leh WaterAid te pawh an tel.
Ringo Starr hi a kum 80 tling tur chu eng gne a ngaihdan an zawt a, “Mai mai chuan, kum 24 chauh alawm ka la nih le,” tiin upa a la intih loh thu fiamthuin a lo chhang ve ham ham a ni.