The Voice season 30-ah country star Riley Green coach a nih tur thu an puang tawh a, Queen Latifah pawh season 30-ah coach a ni dawn tih an puang leh ta a, Kelly Clarkson leh Adam Levine te nen, an paliin an thuho dawn ta a ni.
Queen Latifah leh Riley Green te hi The Voice-ah coach anga an vawi khat telna tur ve ve a ni a, Adam Levine hi chu he show an kalpui tan atanga coach lo ni tawh niin, 2019 khan a chawlhsan a, kum ruk hnuah a rawn kir leh ta a, Kelly Clarkson pawh season hmasa lama coach lo ni tawh a ni.
Grammy bakah Oscar-ah pawh nominate lo ni tawh Queen Latifah, kum 56 hi rapper a nih bakah producer, record label president leh Rock & Roll Hall of Fame inductee niin, a thiam thil chi hrang hrang te pawh The Voice contestant ten an chhawr tangkai viauin a rinawm.
The Voice coach-ah Queen Latifah
