Daily Newspaper

The Voice season 19 winner Carter Rubin

7

The Vocie season 19 winner an puang ta a, Team Gwen Stefani atangin Carter Rubin chu winner niin, Team Blake Shelton atangin Jim Ranger chu pahnihna a ni. Tun hi Gwen Stafani’n a team atanga The Voice winner a neih vawi khatna a ni.

Carter winner a ni tih an puang chu Gewn pawh a insum zo zo, “Ekhai leh, kan chak e!” tiin Twitter-ah video clip a post nghal a, “A va nuam em. Hei hi kan mumang a ni em tih kan ngaihtuah chiang mek a ni,” a ti.

Gwen Stefani kawppui Blake Shelton pawhin a nupui hual hi lawmpuiin, “In chak hi ka lawmpui che u @gwenstefani!” tiin a tweet ve nghal a, “Hei chu ka sawi buai lo mai ang! @carterhrubin… #TeamBlake hnehin an awm a, nang kher a hnehtu i ni hi ka lawm e!” a ti bawk.

The Voice season 19-ah hian finalist panga an awm a, Thawhlehni khan final competition an nei a, Team Gwen atangin Carter Rubin, Team John Legend atangin John Holiday, Team Kelly Clarkson atangin DeSz leh Team Blake atan Jim Ranger leh Ian Flanigan te an ni.

Team Blake atangin Ian Flanigan chu pathumna niin, Team Kelly Clarkson atangin DeSz chu palina niin, Team John Legen atangin John Holiday chu pangana a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy