Daily Newspaper

Thianpa thlahin Suarez a leng

33

Barcelona coach thar Ronald Koeman ngeiin a hmalam ruahmannaa a telh tawh loh thu a hrilh nia sawi Luis Suarez chu Ningani khan a thian hnai Lionel Messi inah hmuh a ni a, Juventus pana a kalbo hm^in a thianpa hi an inah a va mangtha ni turah English media-te chuan an ngai!

Messi ngei pawh hi thla liamta maia chhuah ngenna thehlut a lo ni ve a, Barca hmat^wng pahnih hi tunhma lama lo inkawmngeih tawh leh tun nipui chawlh pawh chhungkuaa hmangho an ni a, tuna hetia Nou Camp atanga inpuchhuak ve ve tur anga thu a than hnu phei hi chuan an chungah mi mit a fu nasa zual hle a ni.

Italian champion Juventus lei hual nia sawi Uruguayan forward hi a nupui Sofia Balbi chuan Messi inah hian a zui a, tihtak deuh takin inthlahna chibai an va sem nia ngaihna a lian.

Barcelona tlarhma luahtu hmuhnawm South American pahnih hi thian hnai an ni satliah mai lo a, inthenawm an ni a, boruak inher chhoh dan enin Argentine zawk hi Camp Nou atangin chesawn leh si dawn lo pawh ni se season thar atang chuan an inthenawm zui thei tawh dawn lo niin a lang.

Media report lamah chuan Suarez hi pound maktaduai 4.4 lekin Serie A giants Juventus hian an leichhuak thei dawn a; Barcelona club history-a goal thun tam pathumna ni pha leh season liamta pawha a mawi tawk chunglam goal la khung thei ni chungin Dutch coach ngainat zawng a ni lo niin a lang a, a hna a zawm hnu lawk khan hmaichhanah pawh Uruguayan striker hi be duh loin minute khat chh<ng lek phone call hmangin a hnawl thu hi a hrilh tih media-te’n an lo tarlang chuai chuai tawh a ni.

Italy media-te tarlan danin, Juventus hian kum 33 mi ni tawh hi kumin nipui lai hian kumkhat chhung atan sengluh an duh a, kumkhat daih contract-ah hian pound maktaduai 9 hlawhah an tawktarh bakah goal a thun tam dan-a-zirin bonus hrang hrang a la dawng thei dawn niin Sports Italia chuan Juve leh Suarez indawr dan a tl^ngzarh.

Hetih lai hian Suarez chuan an inzawmna tihchah manah Barca atangin pound makta-duai 22 a ph<t niawma sawi thawm hriat tur a awm m>k a, hei hian Juve lama a kal tur boruak pawh a tiderthawnga ngaih a ni rih.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy