Daily Newspaper

Thianpa tui tla chhanchhuak

18

Champhai district New Hruaikawn khuaa naupang kum 11 mi chuan a thianpa tuia chesual a chhanchhuak.

Thudawn danin, New Hruaikawn khaw mi Lalramliana (11) s/o Lalrinchhana leh a thianpa Joseph Lalmalsawma (13) s/o Suiliankhama te chu Thawhtanni, August 2 khan rawtuai khawrh turin an khaw rama Kurung lamah an kal a, an rawtuai khawrhna me an thawmhnawa kai chu Nghatân lî ah an tifai a, Lalramliana hian haw rawta a thianpa a en chu a lo awm tak loh avangin a au a, chhang tur a awm lo a ni. Tuiah a tla nih ringin a liluh a, chhuah tuma a ban a vaina lamah a thianpa kawr hi vai fuhin vaukamah a hnukchhuak ta nia sawi a ni.

Nikhaw hreloa awm a thianpa hi chhan tumin a awmah a nem a, a kaah leh a hnarah thi a chhuak a, a thawk a ngaihchan pawhin a nunna chhan hman lo niin a inhria a, khua lamah zualko turin a tlan haw a, khawtlangin an chetsualna hmun hi an pan nghal a, Lalmalsawma hi amahin a lo harh hman nia thu dawn a ni.

Thudawn danin Joseph Lalmalsawma hi tui khawthla virin a la a, kham pangah a lu sawhin a chesual zui ta nia sawi a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy