Jaipur, Rajasthan a cheng, artist Navratan Prajapati Murtikar chuan Guinness World Record, khawvela thing fian tê ber (smallest wooden spoon) a siam a, a thing fian siam hi 2mm (inches 0.7) vel leka lian a ni. He thing fianah hian chini fang hnih pawh a leng tha thum lo ang tih tur khawpa tê a ni. Hetiang khawpa tê ni mah se fian nih phung ang zawng zawng chu a kim ve biai si a ni.
Prajapati chuan, “Guinness World Records hi record siam rau rauah chuan Kohinoor lunghlu thami ang a ni ve a, record ka siam tih ka dawn hnuah lallukhum ropui tak khum ang mai niin ka inhria,” a ti. Prajapati hi marble ker lama mithiam a ni a, 2006 kan lantern chhit ve theih tak tak zinga tê ber siamin Limca World Record certificate te pawh a lo dawng tawh bawk a ni.
A hmaa thing fian tê ber record siamtu chu Telangana artist Gowrishankar Gummadidhala niin, ani hian 2021 khan thing fian 4.5mm leka lian siamin record a siam a, a record hi Prajapati hian a rawn khum ta a ni.