Daily Newspaper

Thing phun chak record siam

8

Grey-Bruce, British Colombia a cheng Kilty Elliott chuan darkar 24 chhungin thing tiak 18,500 a phun hman a, nikhata thing phun tam thei ber record a siam.

Kilty Elliott, kum 23, chuan, “Nikhata darkar 9-10 hna kan thawh pawhin kawng a kham duh a nia,” a record siam ni chuan a taksa zawng zawng a na vek niin a sawi a, “Khami ni kha chuan ka engkim a kulcho a ni ber e. Ka hnungzang leh ka ke te pawh a khamna lutuk a a tukah chuan din pawh ka ding ngil tha thei lo,” a ti.

Elliott hian zing July ni 18, 2021 khan dar 4:05 atangin thing tiak a phun tan a, July ni 19, 2021 zing dar 4:04 thlengin thing tiak 18,500 a phun hman a, record hi a siam ta a a ni. A hmaa hetiang record siamtu chu Kenny Chaplin niin, ani hian 2001 khan darkar 24 chhungin thing tiak 15,170 a phun hman a, he record hi Elliott hian a rawn khum ta a ni. Elliott hian amah puitu mi panga a nei a, anni hian thlai tiak phun tur hi an lo supply char char a ni.

Kum kalta khan thin phun lama hmalatu pawl pakhatin Alberta-ah mipakhatin nilenga thing 10,000 a phun thu an puang a, hei hi Elliott-a hnathawhna ten an lo hria a, Elliott chu tum ve chhin turin an ti a, ani lah a lo phur ta phian a, darkar 14 chhungin thing tiak 10,000 chu a phun ta mai a, “Chuta tang chuan hun tam zawk ka neih chuan hei aia tam hi ka phun thei ka inhre ta a ni,” a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy