Kolasib SP chuan Mizoram sawrkar hriattirna ding sa leh danin thuneihna a pek angin Sethawn RTP Workshop leh Kawnpui quarry inkar kawng chhia avanga school naupangten school kal lam leh haw lama harsatna an tawh a ziaawm theih nan leh chak lehzuala kawng siam hna thawh a nih theih nan Thingdawl leh Kawnpui inkar kawng (national highway) a lirthei tlan dan tur a duang.
Zing dar 8-9 leh chawhnu dar 3.00 atanga tlai dar 5.00 inkarah HMV (motor ke paruk nei chin leh a chunglam) tlan phal ni lo a.
Hemi hun chhung hian Aizawl lam pan HMV chu Thingdawl leh Kolasib inkar kawngpui sirah leh Silchar lam pan HMV chu Kawnpui dai leh tlang kawng inkar zau laiah, lirthei veivak tibuai loa kawng khar chhunga chawl rih tura hriattir an ni.
He thupek hi 2024 October 9 atanga hman tan tur a ni a, thu leh awm hma chu zawm tur a ni. Thupek zawm lo chu dan hmanga hrem an ni anga, thupek hian tul bik thila Police, Fire & Emergency Services, ambulance leh magistrate-te chetvelna a huam tel lo.
Thingdawl – Kawnpui inkar tlan dan
