Daily Newspaper

Thingfanghma ei chungchang a hriattur pawimawh

20

Thingfanghma hi a tui kan ti a, a hrisel niin kan ngai bawk. |henkhat chuan kawruah lai ten kan ei a, thenkhatin salad-ah te kan telh a, thingfanghma tui sawr chu in-detox nan te pawh kan hmang thin. Thingfanghma hi thei hrisel a ni a, antibacterial leh antifungal properties a nei a, damdawi atan pawh a thatna a awm nual a, dengue khawsik enkawl nan te pawh an hmang thin.

Mahse, Times of India health section-in a tarlan danin thingfanghma hi ei loh a that zawk a chang awm tlat mai. Nu, naupai lai te chuan thingfanghma leh lakhuihthei ei loh a tha tih te kan hria ang a, tun tumah hian TOI-in thingfanghma ei chungchang a hriattur pawimawh ni a an sawi te kan rawn tarlang e.

1. Thingfanghma mu (seed) leh a zung hian nau chhiatna a thlen thei, Thingfanghma hmin tha lo chuan uterine contractions a thlen thei bawk. Chuvangin naupai lai tan chuan thingfanghma hi ei loh tawp a him ber a ni.

2. Thingfanghma chu ei tam lutuk chuan chaw kawng (esophagus) tan a pawi thei, Chuvangin chaw a rin berah te neih chi a ni lo, nikhatah thingpui in na no khat ang vel bak ei loh a tha.

3. Thingfanghma hnah-ah hian Papain a awm a, chu chu nausen tan a hlauhawm a, nau pian fuh lo/piansualna (birth defect) te pawh a thlen thei a, chuvangin nau hnute pe lai tan chuan thingfanghma ei loh a him. Nau pai lai leh hrin hnuah pawh eng emaw chen chu thingfanghma ei loh a tha.

4. Mithenkhat-ah thingfanghma hnai hian allergic reaction a thlen thei a, chuvangin thingfanghma hmin lo chu ei loh tur a ni.

5. Thingfanghma hian blood sugar a tihniam thei a, chuvangin BP control-na damdawi ei lai i nih chuan thingfanghma ei loh a tha.

6. Thingfanghma mu (seed) hian mipain fa a neih theihna (fertility) a tihniam thei a, sperm count a tihniamin, sperm mobility a tha lo zawngin a nghawng thei.

7. Thingfanghma hian thatna tam tak nei mah se tam tak ei erawh a tha lo, Thingfanghmaah hian compound chi khat benzyl isothiocyanate a awm avangin ei hnem lutuk chuan taksa tan a pawi thei.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy