Thingsulthliah leh Seling-in
Tuirini-a tuikhuah siam remti
Mizoram sawrkarin Tuirini lui khuah a tumnaah a bulhnaia a khawih chhiat theih khaw ho thu a la mek a, hma lak tum dan inhrilhfiah nghal niin, Seling khawtlangin tui khuah hi an remtih hnu ah an khaw thenawm Thingsulthliah pawhin an remti.
Power & Electricity department-in Sesawng khaw thlanga Tuirini lui khuah a tum chungchangah mipui a a nghawng dan tur zirchian a ni a. November 21 zing khan Thingsulthliah Village Council-II huamchhungah vantlang rorel inkhawm neiin, kalkhawmte hian tuikhuah siam an remti.
He zirchianna hi State Institute of Rural Development & Panchayati Raj Aizawl-in a buaipui a. SIRD&PR atang hian associate professor Dr KT Pakhuangte leh faculty dangte an kal a. Vantlang inrawnkhawm bakah a ram neitute kawmin, mimal engemawzat ngaihdan an la a ni.
Hetiang hian November 14 khan Tuirini Hydel Project siam dawn ta se, a chhehvel khaw mipui a nghawng dan tur zirchiangin Selingah vantlang inrawnkhawm neih a lo ni tawh a. A tawpa mipui ngaihdan lakah tuikhuah hi an remti a ni.
Hydel project siam tum hi New Development Bank Shanghai atanga sum puk, vaibelchhe 660 chuang hmanga thawh tur niin, sum hman zaa 80 hi sawrkar laipui rulh tur a ni a, zaa 20 hi state sawrkar rulh tur a ni.
Thingsulthliah leh Seling-in Tuirini-a tuikhuah siam remti
