Bihar-a artist pakhat, Sashikant Prajapati, kum 25, chuan khawvela thirfian tê ber a siam a, he thirfiantê hi 1.6mm (0.06 inch) leka lian a ni a, Guinness World Record chuan thirfian tê berah an puang. A hmaa hetiang record chu Indian artist tho Navratan Prajapati Murtikar-a’n 2022-a a siam niin, ani thirfiante hi 2mm (0.07 inch) a lian a ni ve thung.
Guinness World Record a siam hnuah Prajapati chuan, “Thing atanga thirfian siam hi thil harsa a ni hran lo, mahse, khawvela thing thirfian tê ber siam tum erawh beih ve fê a ngai. Vawi tam ka hlawhchham hman a ni. |um khat phei chu 99% vel ka zo tawh tihah a tliak hlauh mai a, a bul atanga tan that leh a ngai,” a ti.
Hetiang lama record siam tur tana Guinness World Record-in inkaihhruaina an neihah chuan thirfian pangngai ang chiah pianzia a nei tur a ni a, a zawmna a awm tur a ni lo a, a khuar lai leh a fawng a nei ngei tur a ni bawk.
Sashikant Prajapati hian 2020 pawh khan Guinness World Record a lo siam tawh a, chumi tum chuan pencil mu (pencil lead) hmangin khaidiat (chain) lem a ker a, inkhaidiat 126 a siam thei a, he record hi 2021-ah amah vekin khum lehin inkhaidiat 236 a ker leh a ni. Mahse, he record hi kumin kumtir lam khan Indian artist tho Kaviyarasan Selvam-a’n rawn khum ve lehin, pencil mu hmangin inkhaidiat 617 a rawn ker ve thung a ni.
Thirfiante te tak tê siamin record siam
