Karaj, Iran a cheng Abolfazl Saber Mokhtari hi a dangdai ve khawp mai, a taksain thir a hip thei a ni ber awm a sin, tun tumah hian a taksaah thirfian 88 a hip tang a, Guinness World Record a siam. A hmaa hetianga taksaa thirfian hip bet hnember record pawh hi ama siam tho a ni a, 2022 khan record hi siamin thirfian 85 a hip bet a, he record hi thirfian pathumin a rawn khum leh ta a ni.
Mokhatri chuan a theihna danglam tak mai hi thuruk chu a taksa atanga thahrui chhuak chu a hip turah khan a va kal tir thei niin a ngai a ni. GWR-in nikuma an kawmnaah pawh Mokhtari chuan, “Keimaha thahrui chakna awm kha, ka khawih theih thilah hian ka transfer thei a ni. Ka taksaa bet turin ka ngaihtuah ka theihtawpin ka sawrbing a, chu chu ka tihdan chu a ni mai,” a ti.
Thirhiptheia’n record a siam leh ta
