Thla 11 chhunga Maoist inhloh nasain pawl tithuanawp nasa

Thla 11 chhunga Maoist inhloh nasain pawl tithuanawp nasa
Maoist Central Committee chuan thla 11 liam ta chhungin an pawl mi 320 thah an ni tih sawiin an inhloh nasa lutuk chuan hma an lakna a tithuanawp nasa niin an sawi.
Phek 17-a chhah booklet an tihchhuahah Maoist hruaitute chuan December, 2024 leh November, 2025 inkarah Central Committee memberpariat, State Committee member 15 leh commander thahnem tak, district committee-level-a tel 25, area committee member 73, party member 116, PLGA fighter 13 leh Jan Nirman member 33 an thi tih a sawi.
An pawl hian Politburo member leh General Secretary Basava Raju-a thah a ni chu an pawlin an tuar hle a. Booklet-ah hian thi 320 zinga 187 chu mipa leh hmeichhia 117 an ni a, mi dang 20 chin nihna erawh an sawi lo.
Ram bial huam chhung zawnga an chhutin committee chuan Bihar-Jharkhand-ah 22, Odisha-ah 33, Maharashtra-Madhya Pradesh-Chhattisgarh ramri-ah paruk, Telangana-ah pariat, Andhra-Odisha ramri-ah pakua leh Maoist tamna hmun ber ni reng, Bastar chhim lama Dandakaranya-ah 243 an thi bawk tih an sawi a. Mi dang 37 erawh eng ram biala mi nge tih an sawi lo.
Maoist hian an pawl hruaitu lawk dang pahnih, Bhupati leh Satish chu ‘phatsantu’ tia sawiin an chet lakna avangin an pawl mi 299 an inpek phah a, an pawl a chak loh phah nasa niin an sawi.
Maoist-in booklet an tihchhuah hnuah hian Chhattisgarh Police pawhin an pawl ngei pawhin an buaina an inhria a, an pawl chhungah khi a tamin an chetvelna a hniam phah hle tih an sawi zui a. Police hian thla 11 lek chhungin Dandakaranya Special Zonal Committee-ah ringawt pawh an mi 243 an hloh va, hei hi an pawl tan chuan hmalakna nasa taka tithuanawp tham a ni tih an sawi bawk.
Bastar Range Inspector General Sundarraj Pattalingam chuan state sorkar chuan hmasawnna leh muanna tluantling a awm theih nan hma a la reng tih a sawi a. Kawngpui, sikul, damdawi in, khawsak phung, welfare scheme leh inbiakpawhna hmangin hmun kilkhawr, Maoist tamna thin hmun chu chawi kan mek zel a ni tih a sawi.
Hlauhna nena awm thin khuate chu tunah chuan inringtaw, beiseina leh muanna duhna thinlunga an awm tawh thu a sawi bawk.
Sundarraj-a hian Maoist-te chu tharum thawhna bansana inpea nun pangngaia nung turin a sawm nawn a, an tan kawng a inhawng reng tih a sawi.