Mizoram sorkarin GST atanga sum a hmuh a tlahniam char char a, tun hnaiah a pung; July thlaa hmuh aiin August thlaa hmuh a tam.
Thla khat chhungin a pung na a, GST atanga sum hmuh a pung tia sawi theih erawh a ni lo. Financial year kal laiah sum hmuh hi a pung zawngin a kal rih lo.
August-ah khan GST-ah hian Rs 77,56,88,525 a lut a, a hma thla July-ah khan Rs 70,43,20,735 a lut. A punna hi Rs 7,13,67,790 a ni.
Fiancial year kal lai 2026-27 hi 2026 April atanga 2027 March thla thleng tur a ni a, 2026 April atang khan July thlengin GST-a sum hmuh hi a tlahniam char char. Thla li chhung a tlakhniam hnuah August-ah a pung a ni.
Amaherawhchu, August-ah July-a sum lut aia tam lut mah se April-a sum hmuh aiin a tlem tho a, May-a sum lut ai pawhin a tlem. April khan financial year kal laia sum hmuh tam ber thla a la ni a, Rs 1,20,88,26,569 hmuh a ni.
A hma kum thum chhungin a lo tlahniam tawh bawk; 2023-24 khan GST-ah hian Rs 9,70,25,49,016 hmuh a ni a, 2024-25 khan Rs 9,37,76,93,760 hmuh niin, 2025-26 khan Rs 931,62,76,931 hmuh a ni. Kum thum chhung a tlakhniam hnuah a kum linaah pawh a la pung rih lo. Kum kal laia sum lut tawh hi Rs 4,21,02,87,908 a ni.
2026-27 chhunga sum lut tawh zat
April 2026-ah Rs 1,20,88,26,569
May 2026-ah Rs 78,34,67,281
June 2026-ah Rs 73,79,84,798
July 2026-ah Rs 70,43,20,735
August 2026-ah Rs 77,56,88,525
Total Rs 4,21,02,87,908