Sorkar pawisa kum kal lai 2025-26 hi nikum April-ah a intan a, kumin March thlaa tawp tur a ni. Kum kal lai 2025-26-ah hian Mizoramah khualzin nuai 6 chuang an zin tawh.
Budget Session, Thawhtannia zawh takah khan tourism minister Lalnghinglova Hmar-in 2025-26 chhunga khualzin zat hi a sawi a, 2025 April atanga 2025 December thlenga khualzin zat chu 679607 a nih thu a sawi. Kum thar January hnu lam a tel hman lo.
2025-26 chhunga khualzinte hi India mi (domestic tourist visitor) 670001 leh international/foreign tourist visitor 9606 an ni.
Tun hnaiah Sairang thlengin rel a lut a, September khan 13, 2025 Sairang pawhtu rel kawng hi hawn a ni. Rel thlen hnuah khualzin an pung tih hi a lang a, August thlaa khualzin zat 63830 a nih laiin December-ah chuan 133520 an ni.
December hi khualzin tam ber thla a ni a, India mi 132375 leh foreigner 1145 an ni.
Relin Sairang a thlen hnuah khualzin an pung tih a ni na a, forein tourist chu an pung rih lo. Foreign tourist an tam ber thla chu July a ni a, mi 1650 an ni. August-ah 1518 an awm a, relin Sairang a thlen hnua foreign tourist an tam ber thla October-ah 1358 an ni.
Khualzin zat
Thla India Foreign Total
April 67240 632 67872
May 54083 298 54381
June 46740 1197 47937
July 50254 1650 51904
August 62312 1518 63830
September 65187 693 65880
October 94866 1358 96224
November 96944 1115 98059
December 132375 1145 133520
Thla kaw chhungin khualzin nuai 6 chuang
