Daily Newspaper

Thla ruk hnuah Malaysia Parliament thukhawm

16

Thawhtanni khan Malaysia parliament chu thlasarih lai coronavirus emergency avanga che thei lova siam a nih hnuah hawn a ni ta.

Lawmakers te chuan Malaysia PM Muhyiddin Yassin an emergency puanga a sorkar-in pandemic an hmachhawn danah zawhna an ngah hle tura ngaih a ni a. Pathianni thleng khan Malaysia ah hripui kai maktaduai an chuang tawh a.

Nikum nena hisapin kuminah hripui kai a let riatin an pung tawh a, nunna chan pawh 8,000 dawn an awm tawh bawk.

Sawiseltute chuan PM in emergency a puan chhan chu a coalition sorkar chhungah a thuneihna laksak tura hmalakna awm tihreh nan tiin an sawi a. Emergency avangin parliament pawh neih theih loh niin budget te pawh legislative pawmna tel lova duan a ni.

Parliament session ni nga chhung neih tur niin lawmkaer te chu fimkhur takin hmaikawr leh daidanna langtlang thei karcheha thuttir an ni a. August 1 ah emergency puan tawp tur a nih laiin PM Muhyiddin chuan emergency hlip tur a nawrna nasa tak tawngin Malaysia King meuh pawhin a tur vangin emergency a hlip ta a ni.

Muhyiddin hian Parliament-ah rorelna chang turin mamawh tawk MP a nei chang chang chauh a. A coalition sorkar a party lian ber te chuan tun thla tir khan pandemic beihletna kawngah tichhia tiin an chhuahsan tawh bawk.

United Malays National Organization ten a sorkar an chhuahsan vang hian a sorkar chu tlu mai theiah a awm reng a, amshe attorney-general chuan Parliament-in majority support a neih leh neih loh fiah hma chuan Muhyiddin chuan thuneihna a la kengkawh ang a ti thung.

Tun parliament session pawh pandemic kaihhnawih chungchang chauh ngaihtuah tura koh a nih avangin leh motion dang engmah a len loh avangin a la him rih tur angaih a ni.

Muhyiddin hi March 2020 khan prime minister atan kum 2018 inthlana chakna chang reformist sorkar a tlukchhiat hnuah lakluh a ni a. A awmna Bersatu party te chuan UMNO nen sorkarna an siam a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy