Thlai buaipui lamah thawkdun dawn
Cooperation minister PC Vanlalruata hoin Mizoram State Agri, Horti, Forestry and Marketing Cooperative Federation Ltd (MAHFED Ltd) leh Bharatiya Beej Sahakari Samiti Ltd (BBSSL) chuan thawhhona thuthlung (MoU) an ziak a. MAHFED aiawhin managing director H Vanhlupuia leh BBSSL aiawhin adviser Dr Omveer Singh ten hming an ziahhnan.
BBSSL hi India ram puma thlai chi buaipuia ram pawn thlenga thawn chhuak thin a ni a. National cooperative society niin, an ni hian thlai chi tha supply turin Cooperation department kaltlangin nodal agency-a thlan an nih angin MAHFED nen hian an thawkdun ang.
Thawhhodunna thuthlung hi Cooperative Societies registrar John LT Sanga kaihhruaiin, minister hriatpuia ziah a ni a. Agriculture special secretary Ramdinliani leh Horticulture secretary Maria CT Zuali bakah Agriculture leh Horticulture Department hotute, Cooperation department leh MAHFED Ltd hotute an tel a ni.
Thlai buaipui lamah thawkdun dawn
