Mizoram State Policy Coordination Committee chu an chairman, chief minister Lalduhoma hoin Nilaini khan an thukhawm a, thlai thar lei tum pahnihah Collection Centre tur an ruatfel.
Hmunphiah chu sawrkar policy-in a lo sawi tawh angin, collection centre-ah grade ‘A’ Rs.100 leh grade ‘B’ Rs.80 a lei tur a ni a. Collection Centre hi hmun thum – Saipum, Vairengte leh Bairabiah a awm ang. Hmuhphiah dahkhawmna tur warehouse hi hmun hrang hrangah sak tum mek a ni.
Sawhthing chu Collection Centre-ah bawk Rs.50 aia tlawm loa leisak tur a ni a. Collection Centre hi Bairabi leh Sairangah an awm ang. Sawhthing hi open market-a kalpui tur a ni a, open market buyer an awm loh palh theih avangin a invenna atan he ruahmanna hi siam a ni.
Thlai thar pali lei chungchang data mumal tak vawn a tul avangin Data Entry Centre dahna tur pawh an rel fel nghal a ni.
Thlai thar leikhawmna tur ruat
