Daily Newspaper

Thlasik boruak-ah Covid-19 nasa zawkin India ramah leng thei

44

Temperature tlahniam zela thlasik hnaih tial tial chu India rama Covid-19 inkaichhawn nana hun duhawm a ni tial tial tiin Indian Institute of Technology (IIT), Bhuba-neswar leh All India Institute of Medical Sciences (AIIMS), Bhubaneswar te chuan zirchianna an neih hnuah an sawi.

‘The COVID-19 spread in India and its dependence on temperature and relative humidity’ zirchianna School of Earth, Ocean and Climate Sciences, IIT-Bhubaneswar leh Department of Microbiology, AIIMS-Bhubaneswar tena an zirchianaah chuan surface air temperature chu Covid-19 leh a darhna kawngah inzawm tlat tiin an sawi a ni.

“Temperature hniam leh humidity sâng chu he virus darh nana duhawm a ni a. Degree khata temperature a san pawhin Covid-19 kai 0.99% in a tlahniam” tiin an sawi.

“Doubling time zawnga chhut chuan temperature degree khata a sanin 1.13 days in inkaichhawn a tihniam a. Chutiang bawkin, 10% relative humidity a sanin doubling time 1.18 days in a sang a ni” tiin zirchianna neitute chuan an sawi a.

Researcher panga V. Vinoj, N. Gopinath, L. Landu, B. Behera leh B. Mishra te chuan kum zabi 21-a respiratory viral pandemics (SARS-CoV-2 (2003), Influenza AH1N1 (2009) te khan inkaichhawn leh darh thuah sik leh sain awmze thui tak a nei tiin an sawi.

Researchers te chuan environmental factor heng temperature, relative humidity, specific humidity leh solar radiation te chu Indian region-a Covid-19 darh chungchangah state-level inthlunzawmna an zirchiang a ni.

“Sik leh sa inthlakah furpui, furpui zawh hnu leh chumi hnua thlasik thleng turah temperature tlahniam zel tur chu health worker leh policy siam tute tan virus leng tinepa thunun tura chetlaknaah chona nasa tak leh khirh tak an hmachhawn dawn a ni” tiin Vinoj V, assistant professor, School of Earth, Ocena and Climate Scineces, IIT-Bhubaneshwar chuan a sawi.

“A awmzia chu nipui leh thlasik inkara 7 degree Celcisus vela temperature inthlak chuan environment atanga thlir chuan Covid-19 naa taka darh theihna a thlen thei talt a ni,” tiin Vinoj chuan a sawi bawk.

Hei vang hian thuneitute chuan thutlukna an siamna kawngah virus darh zel loh nan environmental information telh ngei se an ti bawk a, inkaichhawnna tak tak chu mihring atang lo chuan a theih loh a, hei vang tak hian a nawlpuiin hmai kawr vuah, physical distancing leh kut silfai leh herd immunity thlen theihna chu ngaih pawi mawh a ngai tiin an sawi bawk.

ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy