Directorate General of Civil Aviation (DGCA) chuan tun hnaia thlawhna chhunga inzunkhum chungchangah Air India chu Rs 30 lakh chawi tura tiin hei bakah hian airline director of in-flight services chu Rs 3 lakh chawi turin a ti bawk.
DGCA chuan pilot-in-command pawh thla thum chhung a chawlhtir lailawk bawk.
Hmeichhia kum upa lam tawh chuan New York atanga Delhi pana Air India-a an thlawhnaah passenger zinga mi zu rui nasa tak Shankar Mishra chuan a zun khum a. He thil hi nikum November 26 a Air India flight 102 chunga thleng niin hmeichhia leh zu rui hi business class a thu ve ve an ni.
Air India-te chuan Mishra hi Delhi an tum hnuah pawh thil thlen dan CISF leh DGCA hnenah pawh report lovin an chhuah zalen tawp bawk a. A hnuah Mishra hi Delhi Police te chuan chhui zuiin Bengaluru-ah an man a ni.
A hnua thil thleng buai zuai zelin Mishra lawyer te chuan Delhi court hnenah an Mishra chuan pitar chu a zunkhum lo tia sawin hmeichhia chu a inzunkhum zawk an ti bawk.
Air India chuan January 19 khan Mishra chu thla li an thlawhnaa thlawk thei lo turin an hrem a. Air India, Air India Express, AIX Connect bakah Vistara thlahwnaah te a thlawk thei dawn lo a ni. A hma pawhin ni 30 chhung thlawk thei lo turin an lo hrem lailawk tawh bawk.