Thlipui leh ruahtuiin India chhim lam nuai
Cyclone Fengal chuan inrinni zan atang khan Tamil Nadu hmarlam leh Puducherry-ah ruahtui tam tak leh thli tleh a siam.
India Meteorological Department (IMD) chuan he thlipui hi kartawp khan a thlen thu sawiin, darkar khata km 70 atanga 80 a na niin, hmun thenkhatah phei chuan 90 km/h a chakte a nih thu a tarlang.
Thlipui tleh hian ruahtui nasa taka thlen telin, tuichim chin a sang chho hle a, Tamil Nadu-a Villupuram district chhunga awm Veedur Dam phei chuan a kuang chin pelin, hei vang hian a bul hnaia kawm 10 chuangte chu tuilianin a chim hial a ni.
Cyclone Fengal hian hnuhna duhawm lo dang a thlen rih lo nia sawi nimahse, tuipui kama khawsate chu fimkhur tura tih an ni a, karthar tir lam pawh hian ruahtui la dawn belh thei reng an nih thu sorkar chuan a sawi.
Thlawhna hmanga zin veivakte an khaihlak phah nasa hle a, inrinni atang khan khualzin za chuangin an tum ram pan thei lovin, Chennai International Airport-ah tangkhang an tam phah zui hle.
Thlipui leh ruahtuiin India chhim lam nuai
