Mizoram Art & Culture department leh Mizo Academy of Letters (MAL) Joint Headquarters Lunglei tangdun huaihawtin August 30 khan Lungleiah ‘Thu leh Hlaa Lalzuithanga leh Lalsangzuali Sailo te sulhnu zir hona’ buatsaih a ni.
Hmanpuitu Art & Culture joint director Gen Khan Do chuan Mizote tana Pu Lalzuithanga leh Pi Lalsangzuali Sailo te sulhnu, an thuziah leh hla phuah ropui a tih thu sawiin, thangtharte tan entawn tur hnuhma tha tak hnutchhiahtu an ni, tiin a sawi a. Thu leh hla lama sulhnu tha nei tur chuan zirlai nih lai atangin thu ziah peih leh lehkhabu chhiar tam a tul tih a sawi a. Thu leh rimawi chu ram leh hnam leh kohhran natna tidamtu a ni tih a sawi bawk.
Zir honaah hian Rochharzela leh F Vanlalrochana te’n Lalzuithanga chanchin leh sulhnu an sawi a. Vanlalsiamthari leh TC Jonunsanga ten Lalsangzuali Sailo chanchin leh sulhnu an sawi a ni.
Thu leh hlaa mi bikte sulhnu zir ho
