Daily Newspaper

Thu muhnu inhnial a tangkai lo – MP

17

Mizoram Rajya Sabha MP K Vanlalvena chuan thu kal tawh hmanga inhnial chu a tangkai loin hetiang kan ching hi Mizote vanduaina nia a hriat thu a sawi.

Nilaina Aizawla thuthar thehdarhtute a kawmnaah hei hi sawiin, Mizoten thu muhnu, thil hlui tawh, tun hun atana tangkai reng reng nei tawh lo hmanga inbeih leh inhnial kan ching chu kan vanduaina tak nia a hriat thu a sawi.

Tunhnaiah pawh Peace Bonus tih hmingin sawrkar laipuiin eng sum mah min pe lo, tia Assembly House-a sawichhuah a nih thu sawiin, “Hemia sawrkar laipuiin fund min pek danah lehah chiang takin a inziak a, khatihlaia chief minister, tuna CM ni mek Pu Zoramthanga’n ‘Peace Bonus’ tih chu ama hming phuah mai a ni tih a sawi a. Kha thilah khan dawt lailet der a awm lo,” a ti.

Kumtin March thla chho vela zalenna sual leh sual loh thu te, Pu Lal Thanhawla’n lal thuthleng a ken leh ken loh thu te leh thu hlui dang hmanga inhnialna sawt hlei lo awm kumtin mai chu thil tangkai lo a ni, tiin, tunhnaiah MNF senior vice president leh deputy chief minister Pu Tawnluia pawhin Pu Hawla’n lal thuthleng a ken thu sawiin lawmawm a tih thu te a sawi mai a ni, tih a sawi.

“Zalenna sual pawh a hunlai kha chuan an sual ngei a, remna thlenna atana lal thuthleng ken pawh kha pawh chuti tho chu a ni,”, tiin, thu kal tawh hmanga inhnial kumtin chu sawtna awm lo a ni tih a sawi.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy