Site icon The Aizawl Post

Thudiklo sawiah MNF Thalai hruaitu puh

MNF Thalai vice president-in kum 2018 inthlana MNF manifesto zinga thalai hmakhua lam hawi point 11 an siam te, an tihpuitlin vek tawh thu a sawi chu dawt leh thu belhchian dawl lo, mipui bum tumnaah an ngai tih PC Thalai chuan an sawi.
PC Thalai Hqrs. thuchhuak chuan MNF party-in thalaite puala ‘Point 11 Manifesto’ a siam zinga point pathum vel emaw chauh tih loh, a bak zawng chu la tihhlawhtlin loh a ni tih a sawi a. Tih hlawhtlin loh zingah – zirlai scholarship a nih dan tur taka pe in, zirna sang zawk, Mizoram mamawh zir duh tan student loan awlsam zawka siam tum; zirna kalphung siamthat ngaite siamthat a, Mizoramah khawvel ram dang el phak zirna kawng hrang hrang din tura tan lak; zirna in neihsa tichangtlungin, zirlaite leh zirtirtute hamthatna hrang hrang siam belh a, zirtirtu indaih lohna pawh siamrem, tih te chu a tel tih a sawi.
Centrally sponsored scheme-a thawkte leh sawrkar enkawl society hrang hrang (ICPS, NHM, MSACS adt) a thawkte, kohhran, private leh aided school-a zirtirtute tana hamthatna – Provident Fund, Pension Scheme, Health Insurance adt. a tul anga ngaihtuah sak; medical, paramedical, engineering, technology leh management zirna changtlung zawk neih theihna’na hma lak; thalaite kawng hrang hranga an thiamna leh theihna peipung a, Mizoram leh khawvel zau zawkah hlawk zawka penchhuak thei tura pui turin Man Power Development lama hma lak, tihte pawh hmalakna tak tak emaw tihhlawhtlinna emaw hmuh tur ala awm lo tih a sawi bawk.
Zirlai, a mamawhtute tan district headquarters leh hmun remchang danga hostel siam leh thalai mahni kutke ngeia eizawn tum leh ruahmanna nei thate (enterpreneurs) sawrkarin kawng hrang hrangin a tanpui thin ang, tih te pawh tihhlawhtlin a la awm lo tih a sawi.

Exit mobile version