Daily Newspaper

TIH KAN NUAM ASIN

15

-Empee Kawlni; Camp: ZTN

Mal mum nalh tak tak ten serh leh sang pawh nei teh chiam loa, an inchhaihna hmun porn video emaw, pornography te chu an mut hmuna thlira keuin, inawmtleina atan kan tlangvalte’n an lo hmang a nih pawhin va sawi zui chiam ka tum hran lo.

Chuti a nih rual chuan an hnampui Mizo hmeichhia te hi eng ang chiaha tih nuam nge kan nih a, hmangaihna lipuiah hian eng ang chiaha huaisen leh inpe nge kan nih tih erawh an hriat thar fo a tulin ka hria. Laltheri hla atang ringawt pawh hian a lang thui viau awm e.

Aw ka nu, ‘chi chhia leh tha ka thliar thei lo,
Sakhmel sensiar thlirin nau ang ka nui hiau e,
Lungdi atan lal chi a ngai chuang nem maw,
Chalthang chi a tha hluan e.

Mipa chu ropui taka din leh lu(hotu) nihna chelh nghal tura Siamtu’n a duan leh voh in ni a, in pianphung leh nih ang ang a, hmeichhe chung in nih miau avangin, kan thlir dan che u leh en dan che u a hniam tak tak thei lo. Heti a ni chung hian, Mipa hming pu zo hlawl lo leh, mahni hrawk chawm zawh chu sawi loh, a peka pek belh hial ngai zawk mipa kan pung tulh tulh mai hi chuan hmeichiate lu a ti hai zo a, Media hrang hrangah ‘Mizo mipa neih tlak ka hmu lo’ tih tawngkam pawh hriat tur a awm ta nawk mai a ni hi! Tu mawh nge?

Ele,kan Mizo mipa te maw le, Nangni hi, hnathawh aia kut no loh hlau, thawh chhuah zat aia Pheikhawk man to leh, hnathawh hming sawi tur hre si loa thawmhnaw Branded sawi thei zut, Social Media-a hmeichhe tawng zat tawng leh, hmeichhia aia hnial hrat in tam tak lutuk vang hian hmeichhe mangang aurawlin tawngkam an cheh ta a nih hi maw tichung hian kan Mipa te sawiselin ka kâ an ka tum lo a, tapchhak zawlah nu ka ang ve mai mai a ni.
Hmeichhia kan han ang tak tak hi chu kan rilruin a duh loh leh tha a tih loh thlenga sawi chiam mai te kan han ching ta thin a, Kan Upate’n ‘hmeichhe finin tuikhur ral a kai lo’ an lo tidaih tawh kha maw. Tih kan nawmzia sawi ka tum a ni reng si a.

Tawngkam feikibar tak tak hmanga inchaltauh reng mai hian a hmei-pain min siam tha lo, ‘ in thihin tuin nge in thlan lai, bla bla bla’ tiin in kawk sawk sawk pawh ni ila, a chhanna chu a ngai reng a, kan mipa te (Mizo mipa) ngei hi kan thlan laitute chu an ni.

Hna-ah thliar chin nei lovin, kan intodelhna atan chuan kan thawh phak tawk leh theih tawk hi a tha vek a ni tih pawm thiam tum ila, mi ban ai chuan intodelh hi a zahawm a, taimaknain mi a hnuk hniam thei lo tih hi changvawn ta ila, hmasawnna rahbi kan hmaah a inchhawp ngei ang.

Chutiang a nih chuan hmeichhe an hla tam ber, ‘innghahna tlak an awm lo emaw neih tlak ka hmu lo’ tih thawm a dai ang a, kan Mizo mipate intodelhna hnuaiah Mizo nuin inchhung enkawlin mutmu a tuah thei dawn si.

Buh deng chunga bai vil thin fa hrin kal zel chu tuna Mizo hmeichhiate hi kan nih tlat avangin, Pain a tih tur a hriat a, Inchhungkhur a ngaihsak a, tlangvalten awm awl hreh a, mawngvawm ba ang maia an kutke an awmtir loh hunah tih nuam Mizo hmeichhiate kha thoin tih kan nawmzia fiahin an test thei ang.

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy