Daily Newspaper

TikTok ten Microsoft in leisak an tum an hnawl sak

10

Microsoft chuan video-sharing app lar tak TikTok te US operation lei an tum chu hnawlsak an nih thu sawiin tihian Oracle te tan hun remchang a hawnsak tihna a ni bawk.

US President Donald Trump chuan Chinese company TikTok hi 15 September-ah shutdown emaw hralh turin a lo ti tawh a ni.

Trump administration chuan TikTok leh Chinese apps dang te chu national security atana hlauhawmah a ngai a ni.

Wall Street Journal leh Reuters te chuan database technovloy leh clud system ubiness kalpuitu Oracle te chuan TikTok lei tuma intlansiaknaah chakna an chang tiin an sawi a.

A hma pawhin Oracle chuan US, Canada, Australia leh New Zealand a TikTok business lei an tum thu sawi lo ni tawhin investment firm dang General Atlantic leh Sequioia Capital te nen an thawk hova ngaih a ni.

TikTok thupuangtu chuan Microsoft emaw Oracle chungchangah emaw engmah sawi an neih loh thu a sawi thung.
Microsoft ten eng nge an sawi?
Pathianni khan Microsoft te chuan ‘ByteDance te chuan TikTok US operation chu Microsoft hnena an hralh loh tur thu min hrilh a. Kan rawtna te kha national security humhim siin TikTok hmangtu te tana tha tur a ni asin maw le’ an ti a.

Ti hi chuan Trump an TikTok US operation la chhawng thei tura company tha a tih Oracle te tan hun a inhawng thui viaua ngaih a ni a.

Oracle chairman Larry Ellison hi Trump thlawptu niin kumin February thla pawh khan Trump tan fundraising event a huaihawt tawh bawk.

A hmain Trump chuan TikTok US unit American firm te hnena hralh a nih chuan US sorkar chuan chanpual a nei ve tur a ni, a lo ti tawh bawk.

Heng thil thlen chhan?
Trump chuan TikTok neitu ByteDance te chu US-a an sumdawnna ni 90 chhunga hralh tura tiin an hralh lo a nih chuan America-ah an sumdawn zui theihloh tur thu a sawi a, hei hi Chinese technology firm tena America a bu an khuar phihthlakna kalzel a ni.

Trump chuan TikTok, WeChat leh Huawei te ang chu US national security tana hlauhawm tia sawiin a chhan chu data an lakkhawm te chu Chinese sorkar hnenah an hrilh ve vek vang a ti a, Chinese firm te chuan hei hi an hnawl thung.

Huawei pawhin September ni 15 hnuah kharkhipna tawng zui ve dawn thovin hei hian non-American supplier te a nghawng dawn a. Heng supplier te hian an product ah US technology a tel a nih chuan Huawei hnenah shipping an ti thei lovang. Huawei hnena supply pe thei tur chuan US Commerce Department phalna lak zel a ngai dawn a ni.

China in eng nge a sawi?

Karhnih kalta khan China chuan tech export lamah khuakhirhna dan thar siamin chu chu TikTok hralh tihkhawtlaina tura ruahmanna anga ngaih a ni a. Khuahkhirhna dan thar hnuaiah technology heng AI te ang chu thawnchhuah a nih hmain sorkar phalna lak zel a ngai tawh dawn a ni.

TikTok larna em em chu algorithm sang leh turu tak hmangin chu mi hmang chuan a hmangtuin an en duh ang a hrilh lawk theih thin vang a ni.

Tunah chuan heng technology te ang te hi Chinese sorkar enfiahna hnuaiah a awm tawh dawn a. Heng high-value algorithms te hi hralh emaw thawnchhuah emaw phal a ni dawn tawh lo niin South China Morning Post chuan a tarlang.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy