Daily Newspaper

Time Person of the Year-ah Biden leh Harris

11

US President-elect Joe Biden leh a running mate Kamala Harris te chu kum 2020 Time magazine Person of the Year atana thlan an ni.

“Biden-Harris ticket hi thil chhinchhiah tlak a ni,” tiin Time te chuan an tweet a ni.

Democratic pair te hian finalist dang pathum: frontline ‘movement leh President Donald Trump te chu an hneh a ni.

Time magazine hian person of the year hi kum 1927 atang khan an la thlang ta char char a ni.

“American chanchin thlakin, inthenhranna aiin midang hriatthiamna lantirin, khawvel chhe zelah thawidamna kalpui duhtu Joe Biden leh Kamala Harris te chu Times’s 2020 Person of the Year atan thlan an ni,” tiin Time’s editor-in-chief Edward Felsenthal chuan a sawi.

A tirah chuan Biden leh Harris te hi Time in person of the Year ni thei tura an chhawpchhuah zingah an tel lo thung.

Kum 2016 khan President Donald trump chu Time Person of the Year atana thlan a lo ni tawh bawk a.

Kumtinin Time te chuan mimal, pawl leh idea emaw object emaw ‘a tha zawngin emaw chhe zawngin emaw’ thla 12 chhunga nghawng neina ber te an thlang chhuak thin a.

Kum 2019 khan Time te chuan Person of the Year chhungah category thar Business person of the Year, Entertainer of the Year, Athlete of the Year leh Guardians of the Year te an bilh tel bawk a.

Kum 2020 Guardian of the Year ah Dr Anthony Fauci, US Coronavirus task force member pawimawh leh frontline health worker te chu thlan an ni a. Anni bakah hian Porche Bennett-Bey, Assa Traore leh racial-justice organisation te chu thlan an ni bawk a.

Business Person of the Year-ah Zoom dintu leh CEO Eric S. Yuan chu thlan a ni bawk a.

Athlete of the Year-ah LeBron James, US basketball star chu thlan a ni bawk a.

Entertainer of the Year-ah South Korean pop group BTS te thlan an ni a.

Nikuma Time Person of the Year Swedish school naupang climate change movement siamtu Greta Thunberg chuan kum 16 mi lek a nih lai dawngin he award dawng thei naupang ber a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy