Mizoram Baptist Kohhran hnuaia thalai pawl chu Pathianni khan sawrkar tan an tawngtai rual.
Mizoram Thalai Kristian Pawl Rorel 2024-in “Sawrkartha kan neih theih nan Pathianni tlai vawikhat chawnghei tawngtai neih nise” tia thu a pass tawh chu MTKP Executive Committee chuan ngaihtuahin, August 18 (Pathianni) tlai khan TKP Unit tinah chawnghei tawngtai neih tura ruahmanna a siam angin neih a ni a. Tawngtai thupui siamin unit tinah heng thupui hmang hian a rualin tawngtai a ni.
Tawngtai thupui chu – chief minister, minister leh MLA ten dikna tungding zel tura huaisen taka hma an lak theih nan; sawrkar hnathawkten ngaihtuahna thianghlim tak nen ram rawngbawl hna an thawh theih nan; mipuiin ram hruaitute kan thawhpui theih nan khua leh tui tha ni tura sawrkarin thupek a chhuah leh dan a zam te tha taka kan zawm theih nan; kohhranin sawrkar tha kan neihna kawngah a theih ang anga sawrkar an thawhpui theih nan, tih te a ni. Sawrkar tha neihna tura TKP member-te huaisen taka an din tlat theih nan an dil bawk.
TKP-in sawrkar tan tawngtai
