Daily Newspaper

Tlabunga kawlphetha pekna tihchangtlun an phut

17

Tlabung leh a chhehvela kawlphetha pekna, a pek dan leh thawktute dinhmun tihchangtlun an phut tih Tlabunga tlawmngai pawlte chuan an sawi.

MZP Sub-Hqrs. Tlabung bultumin nimin khan Power House tualah zirlaite leh zirlai pawl hruaitute bakah NGO dang hruaitute an pungkhawm a. Heta sawi a nih danin, kum 1975-a Mizoram Power & Electricity Department anga hawn a nih hnu ah Tlabunga P&E department (section) hi kum 1976 khan hawn a ni a, JE awpna hnuaiah tun thlengin khaw 40 chuang an la awm. Hei vang hian thawktu indaihlohna a nasa a, mipui harsatna sukiang thei tur thawktu tam zawk dah turin sawrkar an ngen.

‘Ruah a sur apiang deuhthawin Tlabungah hian ‘main line’ a chhe thin a, main line siam a nih hnu reiloteah khawchhung current line a chhe leh thin, hei hian zirna, sumdawnna leh hnathawhna hrang hrang a tisukuk nasa thin hle a, damlo inenkawl chungchangah pawh harsatna nasa tak a thleng thin,’ an ti.

Tunah hian Lungsen – Tlabung power line siamna tur hna thar a awm mek nia an hriat thu leh he project hi a rang thei ang bera tihlawhtling tura sawrkar an ngen thu NGO-te chuan a sawi.

Kalkhawmte hian resolution an pass a. An thil phut hrang hrang hi sawrkar tan thil thar leh harsa tak nia a lan loh thu sawiin, ‘Tihlawhtling ngei turin sawrkar kan phut a ni,’ an ti.

Kawlkhawmten resolution an pass:
# Tlabung power supply main line chhe zing lutuk sutkianna’n a tha thei ang berin ‘jungle clearance’ a rang thei ang berin tih ni rawh se.
# Tlabung khawchhunga electric hrui leh transformer-te hi a puak/alh nasa thin a, mipui a tithlabar zing hle. Heng line zawng zawng hi check that ni rawh se.
# P&E Tlabung Section-ah hian qualified line-man pakhat tal dah ni ve rawh se.
# Tlabung – Lungsen power line, 33 kV line siam hna hi a rang thei ang bera thawh ni rawh se.
# Sawrkarin P&E Department Tlabung Section-ah hian thawktu dah belh rawh se.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy