Daily Newspaper

Tlang lawn record a siam

15

Mexican nula, Viridiana Alvarez Chavez chuan hmeichhe zinga khawvela tlang sâng zual pathum lawn chhuak rang thei ber record a siam.

Viridiana chuan khawvela tlang sang ber Mt. Everest (meter 8,848; feet 29,029 a sang) chu May ni 16, 2017 khan a lawn chhuak a, July ni 21, 2018-ah K2 (meter 8,611; feet 28,251 a sang) a lawn chhuak leh a, May ni 15, 2019-ah Kangchenjunga (meter 8,586; feet 28,169 a sang) a lawn chhuak leh bawk. K2 hi khawvela tlang sang ber dawttu a ni. Tihian kum hnih chhungin heng tlang sang pathum hi a lawn chhuak vek hman a, record thar a siam ta a, a record siam hi Guinness-in tunhnai khan official-in an puang chauh a ni.

A hmaa record siamtu chu South Korean Go Mi-Sun niin, ani hian heng tlang sang pathum te hi kum hnih leh ni hnih-ah a lawn chhuak a ni.

Viridiana chuan, “Tlang lawn hi exercise atana keimah incho phur a ka tih ve mai mai thin a ni a, mahse, ka office hna bansanin, tlang sang boruak chuan min hip ta tlat a. Kan tum leh chak zawng te hi kan dam chhunga ban phak loh tur tihna a ni kher lo, hmachhawp kan neih te ‘a theih loh ang a’ tih te pawh hi tum chuan a theih dan kawng a lo awm zel, world record siam thlengin,” a ti.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy