Aizawl leh a chhehvela khuarel chhiatna thlen dan endika rawn kal National Disaster Management Authority mithiamte chuan Aizawl chu tlangram khawpui zingah in sak huaina ber kan nih mai theih thu an sawi.
NDMA Technical Expert Group hian July 29 atang khan August 1 thlengin Cyclone Remal avang leh chhiatna dang avanga Aizawl leh a chhehvela thil thlen dan a hmunah enin an rawn zirchiang a. Nilainia Disaster Management & Rehabilitation minister K Sapdanga an hmuhnaah tlangrama awm khawpui zingah Aizawl chu in sa huai ber kan nih mai theih thu an hrilh. Building regulation tha neih a pawimawh thu leh tui luankawr (drainage system) mumal loh vangin chhiatna rapthlak zawk a la thlen palh theih thu an sawi bawk.
Chhanchhuah hna thawh kawngah Mizoten tlawmngai pawl tha tak kan nei chu vannei min tih thu sawiin, awmze nei zawka training buatsaih ni ta se, an tangkai lehzual an rin thu DM&R minister hi an hrilh a ni.
Ruahman ang chuan NDMA Expert Team hi vawiin – August 2 hian Delhi-ah an let leh ang.
Tlangram khawpui zingah in sa huai ber kan nih an ring
