Tunlaiin Tlawng lui a nu a, tui lak leh a sem kawngah harsatna a awm. Tlawng lui nu hi “tunlai” mai a ni lo a, tun hnaiah pump chi loh khawpin a nu fo mai.
Tui fim lam tehna NTU ( Nephelometric Turbidity Unit) tehnaah tui hi NTU 5 hnuai lam a nihin sem tlakah ngaih a ni a, NTU 5 aia sang pawh pump hnuah a tihfim chawp theih. Tun hnaiah tihfim hleih theih loh khawpin Tlawng hi a nu fo a, tunlai pawh hian a nu thei hle.
PHE department hotute hnen a\anga thu dawn danin, tun kar chhovah hian Tlawng tui hi NTU 900 chuang a ni deuh reng a, NTU 900 leh NTU 1000 inkar a ni tlangpui. Hei hi a nu em em mai a, tihfim a hautak. Hei vang hian tui lak leh a sem kawngah harsatna an tawk mek.
NTU 800 te, NTU 900 te a nih chuan a tihfim a hautak bakah hun a duh rei a, chu chuan mipui hnena sem kawngah harsatna a thlen a ni.
August ni 21 tukah khan Tlawng tui hi NTU 936 te a ni a, Reiek kaia tui pump khawlte pawh chawlhtir a ni.
May thla tawpa remal cyclone tleh khan tui lak hna hi nasa takin a nghawng a, cyclone leh a ruah ken vang khan tui a nu bawk. Chumi hnuah chuan tui hi a nu fo a, khawl chhia bakah tui nu hian harsatna a thlen fo.
PHE department hotute chuan remal cyclone tleh hma pawh khan tui nu hian harsatna a thlen fo tawh tih an sawi a, cyclone tleh hma khan pump chi loh khawpin a lo nu tawh \hin tih an sawi.
Tlawng lui nut vangin harsatna
