Tleirawl laia meizuk ruh tan tha lo
Depression, anxiety leh meizuk te hian a tha lo zawngin ruh (bone)-ah nghawng a nei a, a bikin hmeichhe tan tleirawl laia meizuk chuan ruh a tichak lo a, upat hnuah osteoporosis (ruh mawih) keh ruhtliak neih theihna risk a tisang niin an sawi.
Depression leh osteoporosis hian inzawmna a nei tih meta-analyse atangin an hre tawh a, bone mineral density (BMD) a tihniam thei bawk. Chutiangin, meizuk pawhin a thalo zawngin ruh a nghawng a BMD a tihhniam a, kum upat hnuah tih tliah palh theihna risk 31%-in meizu lo te aiin an nei sang zawk niin an sawi.
Depression leh anxiety hi tleirawl zingah a tam ta hle a, chu chuan meizuk leh zu in te a keng tel duh viau bawk. Cincinnati Children’s Hospital, University of Cincinnati College of Medicine leh The Pennsylvania State University-a mithiam ten zirchianna neiin, hmeichhia 262, kum 11-19 hrisel tha pangngai te dinhmun zirchiangin he thutlukna hi an siam ta a ni.
He zirchianna chungchang hi Journal of Adolescent Health-ah tarlan a ni.
Tleirawl laia meizuk ruh tan \ha lo
