Tluang taka inthlan vangin lawm

MLA inthlan tluang tak leh harsatna liantham awm loa neih a nih avangin an lawm tih MNF party chuan an sawi.
MNF Gen. Hqrs. thuchhuak chuan, candidate leh an tana rim taka thawktute chungah buaina leh harsatna liantham tawk an awm lo niin an hriat thu te, rim taka inthlan buaipui hna thawktu zawng zawng leh mahni vote hlu tak hmanga duhthlanna lantirtu zawng zawng chungah lawmthu an sawi thu a sawi a ni. Chutih rualin venhimna hna thawktute zingah vanduaina tawka nunna chan an awm chu pawi an tiin, an tawrhpui takzet tih a sawi.
‘Bial tina MNF official candidate-te duhsak a, vote tute zawng zawng chungah thinlung takin lawmthu kan sawi a. Pathian leh mipui duhsakna hmangin MNF chuan sawrkarna kan siam ngei kan beisei a. Inthlan muanawm leh boruak tha min siamsaktu Pathian chungah lawmthu kan sawi a ni,’ a ti.