BJP te chuan West Bengal-a Trinamool Congress chu ‘private limited company’ a ni tawh an ti a, State dinhmun chu an sorkar hnuaiah ‘jungle raj’ ah a chhuak tawh an ti bawk.
Mamata Banerjee kaihhruai sorkar chu unemployment leh development kalpui lo lutuk tiin an sawi a.
Suvendu Adhikari, BJP leader chuan TMC te chu March 30 a Centre policy duhlohna lantir an tum avangin nakin a sawi sel a, he ni hi Ram Navami ni tak a ni a ti a, ‘sanatan culture’ ringtute zawng chuan Lord Ram piancham an lawm dawn a ti bawk.
He ni hi holiday a puang lovin, dik lo tak phuahchawpa thusawi hnuah lungawilohna lantir an tum zawk a ni, tiin a sawi bawk a. TMC te chuan March 29 leh 30-ah State chhungah ni hnih awh lungawilohna lantir an tum a ni.
Press conference a neihnaah Adhikari chuan TMC kepui party dang te pawh hmer telin, Banerjee thlawp vek tum tiin a sawi a, mipui te chuan an vote tur an tih chiah a ngai a ti bawk a. BJP te chu Congress leh Left te awmzia an neih tawh loh avangin mipui thlan tur tia sawiin double-engine sorkar chu mamawh chhanna a ni, a ti bawk.
Adhikari hian kum 2021 Assembly poll-ah Banerjee hi a hneh a, TMC leader leh State official te chu Centre-in MNREGA scheme atana sum a dah te la pengkawiah puhin job card 1 crore vel a lem siamah a puh bawk a. Hemi chungchang hi CBI chhui chiantir an tum thu a sawi bawk.
TMC te chu rorel dik lo tia puh bawkin state leiba chu kum 2011-a thuneihna an chantirhin Rs 2 lakh crore a ni a, tunah Rs 6 lakh crore ah a ko chho tawh a, chutih laiin hna nei lote chu pung zelin 1 crore an tling dawn tawh a ti bawk.
Hei bakah hian Left rorelna Kerala bakah Bengal chu GST share audit theh lut lo awm chhun state a nih thu a sawi bawk a.
“TMC hi political party pawh a ni lo, private limited company a ni,” tia sawi bawkin eirukna nasa tak leh chhungkaw rorelna a ni tiin a sawi bawk.
TMC hi private limited company a ni : Suvendu
![](https://theaizawlpost.org/wp-content/uploads/tap_logo-min-large.jpg)