Daily Newspaper

Tokyo Olympic-ah Covid case hmuh belh

21

July ni 23, Zirtawpni zan mai hi 2020 Tokyo Olympic Games opening ceremony hun a ni tawh a, khawvel hmun hrang hrang atangin infiammite’n Japan khawpui Tokyo hi pankhawm mekin, Covid-19 hripui pawhin Olympic Games Athletes’ Village a kalkan bik lo a, in-fiammite leh anmahni pui-bawmtute zingah hripui kai hmuhchhuah thar an awm zel.

Thawhlehni khan Tokyo Olympics organiser-te chuan Games Athletes’ Village-a foreign athlete pakhat an endikin Covid-19 a kai tih an nemnghet.

A hma lawkin Games vo-lunteer pakhat bakah he in-fiamna kutpui buaipuitu con-tractor pasarihin hri an kai tih hmuhchhuah a ni a, he thu buatsaih lai thleng hian Games kaihhnawiha Covid hrikai an hmuhchhuah chuan 67 a kai chho tawh a, official zingah pakua an positive tih nemngheh a ni tawh bawk.

Thawhlehnia mi pasarih an hmuhbelh leh nen Games kaihhnawih contractor hrikai chu mi 36 an tling tawh.

August ni 8 thleng awh tur Tokyo Games hi Japan mipui zawng zawngin an thlawp kim vek lo a, an ram atanga suanchhuah leh thulh duh lam pawlin thawm an nei chho ve reng a, he dodalna karah hian ruahman lawk angin July ni 23 zan hian hawn tura ruahman a ni a; dodaltute’n an duh loh chhan ber chu hripui inkaidarhna hmunah a chang palh ang tih hi a ni a, hri chuan a luhchilh tawh ngei mai a!

Thawhtanni khan Czech beach volleyball player Ondrej Perusic chu Covid-19 a positive tih hmuhchhuah niin, Olympic Games Village bika infiammi an endik zinga hri kai pathumna niin, American alternate woman gymnast pakat pawhin a kai bawk.

Pathianni khan South African footballer pahnih Thabiso Monyane leh Kamohelo Mahlatsi bakah video analyst Mario Masha-te chuan virus hi an lo positive tawh bawk a ni.

Kumin Olympic Games-ah hian a hmunah entu mipui an awm dawn lo a, Japan sawrkar chuan khauh takin hriselna kaihhnawih khuahkhirhna a kalpui dawn a, an ram mipui tamtak hlauhthawn anga hripui thehdarhtu bulpui (super sprea-der event) nihtir an tum lo a, en-dikna pawh uluk takin an kalpui kal chho zel dawn niin a lang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy