Daily Newspaper

Tokyo Olympic-ah infiammite en uluk dawn

9

Tunhnaia organiser lam thuchhuahin a tarlan danin nakum Tokyo Olympic Games-ah hian infiammite chu darkar 96 atanga 120 inkar dan zelah hripui an kai leh kai loh endik an ni dawn.

Games hmachhawn tur athlete-te hian Japan an thlawhluh hma darkar 72 tling loah COVID-19 an negative tih nemnghehna an nei ngei tur a ni a, inelna an hmachhawn lai pawhin an tlak hma chu test hi regular taka an paltlang zel a ngai dawn a ni.

Tokyo 2020 organising committee, Japanese sawrkar leh Tokyo Metro-politan Government-te inhmuhkhawm tumin Ja-pan khawpuiin nakum Games a thlen dan tur chungchanga ionkaih-hruaina an ennawn a, a chunga ruahmanna tarlan tak hi an thurel zinga pakhat a ni.

Tun dinhmunah Ja-pan rama thlawklut tawh phawtte chu ni 14 chhung ‘quarantine’ tur an ni a, mahse, Games hma-chhawn tur infiammite leh he Olympic-a chanpual neilian hote chu nakum Tokyo Games-ah hian ‘quarantine’ ve an ngai lo thung ang.

Nakum July ni 23-a tan tura ruahman Tokyo Olym-pics inelna hmachhawn tur hian infiammi 15,000 chuang beisei an ni mek a, Athletes’ Village-a khawsa tur an ni.

Organiser-te lamin report an tarchhuahah chuan intihsiak kalpui a nih laiin village chhung-ah testing centre dah a ni dawn a, he hmunah hian a chunga darkar bithliah tinah khian athlete la tla lote chuan hripui an kai leh kai loh an infiah zel a ngai dawn.

Tokyo 2020 CEO Toshiro Muto chuan inbiakna an kalpui zawha media a hmachhawn tumin infiammite chu a tlem thei ang ber Tokyo khawpui chhunga hun hmang tur leh Games zawh hnuah pawh a theih anga ranga an ram pan theuh turin thurawn an pe tel nghal tih a sawi.

Japanese media-te chuan Games chhim turin ramdang mipui tam tham takin Tokyo an pankhawm thei dawn tih an tarlang a, mahse, organiser lamin an rorel report hmasa an tarlanah hi chuan ram pawn atanga Games chhimtu luh an phalsak zat tur hi tihchian theih a la nih loh thu leh kum-thar lama thutlukna tak tak la siam chauh tur a nih thu tarlan a ni.

Europe leh ram changkang zawkah chuan Covid-19 vaccine an semchhuak tan tawh a, beisei anga hripui danna hian mipui a thleng chho zel thei a nih chuan nakum Olympic hi infiam-mi leh ramdang atanga a hmuna thlir duhte tan pawh zalen zawka kawng hawn a ni mai thei bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy