I toothbursh kha i hman zawhah khawiah nge i dah thin? Bathroom-ah nge i dah a, washbasin chungah nge, bawm chhungah i dah zawk? Kan toothbursh kan dahtha ni a kan ngaih lai hian, kan dahthat dan hi a dik lo zawk mai thei. Tun tumah hian toothbursh dahna chungchanga hriattur pawimawh Times of India health section-in an tarlan te kan rawn chhuah chhawng e.
Kan bathroom-ah hian natna thlen thei germs chi hrang hrang a tam hle a, chuvangin bathroom-a toothbursh kan dah chuan kan toothbursh kha germs tan inthlahpunna hmun tha tak a lo ni reng thei. Tichuan, chung germ-te chu kan ka chhungah, direct-in an lut nghal dawn tihna a ni!
Toothbrush dahna leh dah dan tha ber hi sawithiam a har ngawt ang, a chhan chu hmun tin maiah hian germs leh bacteria a awm deuh zel si a. Mahse, thil chiang pakhat chu bathroom-a toothbursh dah hi a hygiene lo!
Washroom-ah toothbrush kan dah chuan germs hrang hreng heng toilet plume an tih ang chi te a kai theihna chance a sang. Toilet plume chu kan toilet kan flush chiah a mit lawnga hmuh theih loh boruaka leng vel thil a ni a. Mahse, toilet plume hi eng chena hla nge a darh theih hriatchian a ni lo va, toilet bul hnaia toothbursh dah chu a hrisel tawk lo tih hriat phawt tur a ni. Toilet plume hian natna hlauhawm te chu an thlen em em chuang lo va, mahse, food poisoning te a thlen thei.
Toothbrush chu hmun hul leh ro thaah dah thin tur a ni a, kan hman zawhah kan hman leh hmaa a ro hman theihna tura dah a tha a, chuvangin bawm chhunga khung bo daih te pawh a tha lo tihna a ni. Hmun hnawng deuha kan dah chuan germs leh bacteria tan inthlahpunna hmun a chang thei.
Toothbrush chu midang nen inhmantawm reng reng loh tur a ni a, hman zawhah fai taka tleuh tur a ni a, kan silfai zawhah midang toothbursh nena in si theiin dah loh tur. Toothbrush chu thla thum danah tal thlak ngei ngei tur a ni.
Toothbrush dah dan dik
