Site icon The Aizawl Post

Top seed Swiatek a tlawm

World number one leh top seed ni bawk Iga Swiatek chu Australian Open fourth round paltlang zo loin a tla a, nimin khan Wimbledon champion Elena Ryba-kina chuan 6-4 6-4-in a vaw tla.

Seeded 22-na Rybakina hian nikum July thla All England Club-a major title a lakna game ang khan Melbourne Park-a champion tura rinkai Polish nula lakah awlsamin a khel thei lo a; inkhelh banah kum 23 mi hian court a luh rualin a nervous tih a sawi a, theihtawpa inthunun hram hram a tum thu sawi chungin a tan hnehna lian a nih thu leh round sang zawk a luh avanga hlim thu a sawi.

Kazakh Rybakina hian quarter-final pakhatah French Open champion Jelena Ostapenko a tum leh ang. Tun hi season khata Grand Slam tournament hmasaber Australian Open-a last eight a luh vawikhatna a ni.

Rin lawk dan chuan last eight lamah hian Swiatek leh American seventh seed Coco Gauff intawng tura ngaih a ni a, mahse, kum 18 mi Coco pawh Latvia star Ostapenko chuan 7-5 6-3-in American tleirawl hi a hneh a, tlang rin loh zawk 17th seed Ostapenko leh Rybakina-te’n semi-final luh an inchuh dawn ta zawk a ni.

French Open leh US Open champion lai Pole Swiatek bara-khaihtu Russia-born right-hander Rybakina tan tun hi Grand Slam quarter-final vawithum a luhna niin, nikuma Wimbledon title a lak nawlh hma khan 2021 French Open last eight a lo thleng ve tawh bawk.

Nimina third seed Jessica Pegula leh two-time Melbourne champion Victoria Azarenka inkhel result tarlan hman a ni lo.

Exit mobile version