Daily Newspaper

Total lockdown

72

AMC huam chinah total lockdown puan a ni leh ta a. Hri kai thar pun chhoh zel dan thlirin, total lockdown han kalpui leh rih hi chu kan mamawh hle niin a lang.

Eizawnna kalpui loh theih loh a nih avangin tlema inthlahdul deuh chunga inkaihhruaina siam a ni a, mahse mipui lam kan fimkhur zo tawk lo deuh nge, hri kai dan a tlahniam thei lova, a bikin Aizawl district-ah hrikai an tam ber a, a bikin khawpuiah a hluar zual.

AMC huam china total lockdown kalpui chhung hian mass testing kalpui tura ruahman a ni a, hei hian awmzia thui tak a nei tura beisei a ni a. Covid positive zingah symptom nei lo thahnem tak an awm thin a, hei hian nasa takin hri inkaidarh a tipung thei tih a lang a. Symptom neih loh na na na chuan, tlema inthlahdah te pawh a lo awl deuh bawk nen, symptom nei si lo, a ruka lo positive rengte hmuhchhuah zung zung hi hri laka himna tura hmalakna pawimawh tak a ni ngei ang.

Hei hi kan dinhmun a nih miau tawh avangin, mi tin hian mahni pawh inringhlel chunga chet kan lak a ngai takmeuh meuh tawh niin a lang. Mithiamte thurawn anga mahni inchhungkhurah pawh hmaituamna hman uluk thlengin kan zawm a ngai ta niin a lang bawk.

Kan dinhmun hi a pherh ta riau a, sawrkar laipui atanga kan dinhmun zirchianga lokal ten thil awmzia an chhui mek a, an thil hmuhchhuah (finding) tur hi eng dang vak a nih a rinawm loh a, khawlai atanga hri inkai darh aiin chenhona atanga inkaidarh hi hri kai hluarna chhanah an ngai ve thovin a rinawm.

Rinthu mah ni se, thildang han mawhpuh tehchiam tur a awm hran lovin a lang a. Kan inlenpawh nasat avang leh chenhonaa kan fimkhur zawh tawk lohna hi a chhan leh vang lian tak a nih a rinawm.

Eng pawh ni se, total lockdown chhunga mass testing neih hian hri darh zel tur chhutchahna tur kawngah awmzia thui tak nei turah a ngaih theih awm e.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy